Gaurko Bidaia Atalean udarako proposamen fresko eta gertuko bat ekarri digu Hektor Ortega, Sua Edizioko arduradunak. Eskualdetik mugitu gabe, Jaizkibelera eraman gaitu eta bertako txoko miresgarriak erakutsi dizkigu. Zatoz gurekin
| Fitxategia |
|---|
 Bidaia atala Jaizkibel 2018-06-21.mp3 |
Gaurko Arguyuan saioko bigarren elkarrizketan ere Xanistebanei begira jarri gara. Abuztuaren 3an herritar askok zita izaten dugu auzoen arteko sokatira txapelketan eta, horretarako prestatzeko, datorren astelehenean hasiko dira emakumezkoen entrenamenduak. Herriko emakume guztiak animatu eta bizipenak kontatzeko, gurean izan ditugu Onintza Azpiroz eta Maider Juanes tiralariak.
Xanistebanetarako geroz eta gutxiago geratzen den honetan, Jai Batzordeak egitarau zabala antolatu du dagoeneko. Atzo hirugarren bilera bat egin zuten eta bertan bi erabaki garrantzitsu hartu zituzten: jaiei hasiera emango dien suziria nork botako duen eta Xanistebanak iragarriko dituen kartela zein izango den. Josune Cousillas Kultura zinegotzia etorri zaigu primizia kontatzera. Jakin nahi baduzu, ez galdu elkarrizketa!
Oarsoaldeko Hitzak hamabost urte beteko ditu datorren larunbatean. 2003ko ekainaren 23an, euskarazko tokiko egunkaria lau udalerrietako harpidedunen buzoietara iritsi zen lehenengoz, eta ordutik, herritarrei tokiko informazioa euskaraz eskaintzea izan da bere jarduna eta bokazioa. Urteurren horri begira jarri gara Urko Etxebeste Oarsoaldeko Hitzako zuzendariarekin. Zorionak eta eskerrik asko lan talde osoari eta beste urte askotarako izan dadila!
