ZANA ZALAKO: Angel Ibarguen Mitxelena
- Detalles
- Publicado: Asteartea, 15 Iraila 2020 11:33
Angel Ibarguen Mitxelena, Zuaznabar baserriko semea, izan dugu gaurko Zana Zalako saioko protagonista. Duela 83 urte jaio zen familia handi batean, eta gaztetan hamahiru urte pasatu zituen Argentinan. Handik itzuli zenean, Izaskun Legorburu lezoarrarekin elkartu zen eta hiru seme-alaba izan zituzten. Angelek sei biloba ditu eta asko gustatzen zaio haiekin egotea. Bertso bat ere bota digu, aitak Argentinako garaietan eskutitzez bidalitakoa. Entzun elkarrizketa!
| Fitxategia |
|---|
 ZANA ZALAKO Angel Ibarguen 2020-09-15.mp3 |
Aiora Etxebeste Enbil oiartzuar gaztea izan dugu gaurko Zana Zalako saioko gonbidatua. Isastin jaio eta bizi dena, Imanolen arreba, ume zalea, zientziak maite dituena... Txikitan Igeldon pasa zituen momentu ederrak aiton-amonen baserrian, Haurtzaro ikastolako oroitzapen politak ere gordetzen ditu. Baina, batez ere, dantza da bere hizketaren protagonista. Txikitatik dantzatu du; Haurtzaro dantza taldea, Goizaldi... eta orain Olarrin dabil. Dantzako irakasle ere bada eta Haur Hezkuntzako ikasketak egin ditu; Irunen dabil hezitzaile lanetan. Gehiago ezagutu nahi? Bada, ez galdu elkarrizketa!