Ongi Etorri Katxonderstanera: Piter Ansorena
- Detalles
-
Publicado: Osteguna, 17 Azaroa 2016 13:22
Katxonderstango Errepublikara Mirri pailazoa, Piter showmana eta Jose Inazio txistularia etorri zaizkigu, hirurak gorputz bakar batean.
Pailazo ibili zen garaiko pasadizo gazi-gozo batzuk gogoratu ondoren, ETBko saio gogoangarri bati buruz jardun dugu nagusiki: "Funtzioa".
"Funtzioari" buruz hitz egitea ez da erabaki samurra izan, Oiartzun Irratiak eta Piterrek berak mehatxu larriak jaso dituztelako, baina guk beldurrari aurre egin diogu. Funtzioko esketxak entzunez eta "ikusiz", ETBn beste umore mota bat ere posible dela ikasi dugu.
Ongi Etorri Katxonderstanera: Leire Palacios
- Detalles
-
Publicado: Osteguna, 03 Azaroa 2016 12:33
Katxonderstango Errepublikan egiaz eta gezurraz harago aritzeko aukera eman diogu Leire Palacios komunikatzaileari, eta Leirek erantzun digu ez dakiela gezurrik esaten. Eta putada handia omen da, bere ustetan!
Saioa hasi aurretik sobre bat utzi digute Leirerentzat. Agindua oso argia zen: Sobrea elkarrizketa hasitakoan eman behar genion. Zer ote du sobreak? Gauza beldurgarriren bat? Gauza barregarriren bat?
Beste hamaika kontu ere izan dugu hizpide:ETB, telezaborra, independentzia, kontrol soziala, kultura-kontrakultura, erresistentzia, #hitzmoloiak, katuak eta txakurrak.... Eta Bittor Aiape!
Ongi Etorri Katxonderstanera: Onintza Enbeita
- Detalles
-
Publicado: Osteguna, 20 Urria 2016 11:27
Lehenengo aldiz langabezian dagoen pertsona bat iritsi zaigu Katxonderstango Errepublikara. Langabezian Onintza Enbeita? Paroan egon liteke, baina geldirik ez, behintzat: bertsolaria, diputatu ohia, kolaboratzailea hainbat hedabidetan...
Zertaz ez digu hitz egin Onintzak? Barruko arropez (kuleroak, tangak...), Madrilgo Kongresuaz, Eskoziaz, Rocío Juradoz, titi handiak edukitzeaz... Eta #yosoydejamonydefollar traolaz ere bai, jakina!
Ongi Etorri Katxonderstanera: Edu Lartzanguren
- Detalles
-
Publicado: Osteguna, 06 Urria 2016 11:14
Edu Lartzanguren Katxonderstanera etorri zaigu bisitan. Edu kazetaria da, eta Berrian pikolo bat elkarrizketatu duen bakarra da. Bueno, pikolo edo Piccolo... Ez dakigu zehazki.
Lerroburu deigarrien eta elkarrizketa motzen aldekoa da Edu: Sentsazionalista eta alferra al da?
Komiki tirak ere egiten ditu. Komikietako protagonistak txirla pare bat dira, eta gaur matxinatu egin zaizkigu!
OEK Piter Ansorena .mp3