Intxixu Herri Kultur taldeak XXI. urteurrena ospatu du aurten. Xabier Aierdi eta Pilar Beñaran izan ditugu gure txokoan eta hogeita bat urte hauetako ibilbidearen errepasoa egin dugu, hainbat gai jorratu ditugu, tartean elkadura eta sendabelarrak.
Gaurko Bidaia Atalean Larpurdiko herri zoragarri batera, Angelura, bidaiatu dutu Hektor Ortega Sua Edizioko arduradunarekin. Bertako hondartzak, pinudi zabalak, Atturri ibaiaren itsasoratzea eta beste hainbat toki deskribatu dizkigu Hektorrek. Udaberri honetan bisitatzeko oso leku polita, zinez, Angelu.
| Fitxategia |
|---|
 Bidaia atala ANGELU 2018-04-19.mp3 |
Euskal Herrian bi urtetik behin gure hizkuntzaren alde ehunka kilometro korrika egiten ditugu, pausoz pauso, Euskal Herri euskaldun baterako bidean. Badira munduan borroka horretan dihartuten beste hainbat herri ere, hizkuntza gutxituen alde, egunero lanean buru-belarri dabiltzanak. Tartean, Bretainiako herritarrak euren hizkuntzaren alde Korrikaren antzeko ekimen bat egiten dute bi urtetik behin: Redadeg. Oiartzun-Karaez komiteak eta AEK-k, udalaren laguntzaz, Redadegen 11. ekitaldirako bidaia antolatu dute, maiatzaren 8tik 13ra. Azalpen guztiak emateko, Oiartzun Irratira etorri da Saioa Ballesteros AEKko iraskaslea.
| Fitxategia |
|---|
| Redadeg 2018 Saioa Ballesteros.mp3 |
Errenta Aitorpena euskaraz egiteko kanpaina martxan jarri dute, beste behin, Ttur-Ttur Euskaltzaleon Bilguneak, Udalak eta UEMAk. Horri begira jarri gara aste honetako Udalaren Tartean eta azalpen guztiak eman eta herritarrak animatzeko, gurean izan dira Mirari Martiarena Ttur-Tturreko langilea eta Aitziber Arnaiz Udaleko Euskara Terkinaria.
