Igandean, Oiartzungo Antzerkizale Elkartearen eskutik bi pieza labur taularatuko dira udal areto nagusian, bata bestearen ondotik. Lehendabizi, Goitibera antzerki kolektiboak 'Amatxik dixit' antzezlana taularatuko du eta horren ondoren, Goiatz Labandibar idazle oiartzuarrak idatziriko 'Salaketa' antzezlanaren irakurketa dramatizatua izango da. Telefonoaren bestaldean izan dugu Gaizka Chamizo aktorea.
| Fitxategia |
|---|
 Gaizka Chamizo 2021-03-12 web.mp3 |
Martxoaren 8a eta Oiartzungo Feministen Asanbladak eta Oiartzungo Udalak antolatutako ekitaldiak izan ditugu hizketagai Olga Leibar, Feminismo zinegotziarekin.
Oiartzungo Udalak Landaola saria jaso du Lurbizi egitasmoagatik. Lurbizi egitasmoa 2016an jarri zen martxan lehen sektorea profesionalki sustatzeko asmoz. Eneritz Arbelaitz, Mendi-ingurumen zinegotzi eta alkateordeak eman dizkigu azalpen guztiak.
Idoia Beratarbide Arrieta izan dugu gaurko Zana Zalako saioko protagonista. Errenterian jaio zen oiartzuarra, txikitatik sorkuntza eta esku lanarekin lotua egon da, baita irudimenarekin ere. Lotsatia dela kontatu digu, baina jendearekin egotea oso duela gogoko. Egun, 100tze Sormen Espazioan eta Metrokoadroka Sormen Laborategian dabil, besteren artean. Entzun elkarrizketa!
