Ikasturteko lehen kolaborazioa izan dugu gaur Maider Iantzi Gara egunkariko kazetariaren eskutik. Hilabete honetan egunkarian idatzitako hainbat kronikaren berri eman digu. Entzuteko, klikatu estekan!
Gaur hasiko dira Ugaldetxo auzoko Sanmielak. Auzoko Kultur Elkartea, beste behin ere, buru-belarri aritu da lanean, eta festa herrikoiak eta parte hartzaileak antolatu ditu. Egitarauari errepasotxo bat eman eta festetako ze aurreikuspen dituzten jakiteko, gurera etorri dira Nerea Vallejo eta Edu Garmendia auzotarrak.
Bihar goizeko 11:00etan iraileko Euskal Jai Txikia egingo dute Altzibarko Agerrealde ume eta amon-aitonen parkean, Intxixu Herri Kultur Taldeak antolatuta. Bertan, Xixili Pikabea Portuberri baserriko alaba omenduko dute urteetan zehar sendabelarrekin egindako lanagatik. Guk Oiartzun Irratian izan dugu gaur Xixili bera eta aski tertulia goxoa izan dugu berarekin. Aupa Xixili! Eutsi, urte askoan, sasoi eta irribarre horri!
| Fitxategia |
|---|
 Xixili Pikabea 2019-09-27.mp3 |
Killirikupek emakumeak ahalduntzeko eskolak egingo ditu. Gaur egingo dute ikastaro horren aurkezpena, liburutegian, 18:00etan hasita. Bertan azalduko dituzte aurten jorratuko dituzten lau gaien xehetasunak. M.Jose Arbelaitz kideak, emakume guztiak animatu ditu eskoletan parte hartzera.
| Fitxategia |
|---|
| KILLIRIKUPE M.Jose Arbelaitz 2019-09-26.mp3 |
