Haurtzaro Ikastola ere pronto da intxixu, basandre eta sorginei harrera beroa emateko. Burrunba antolatu dute gaur arratsalderako, eta baita txokolatada ere. Festa giroan murgilduta daude goiz-goizetik eta ihote usaina aste guztian presente egon da ikastolan. Gainera gonbidatu berezi batzuk ere badituzte ikastolan. Aritz Gonzalez zuzendariak elkarrizketa eskaini digu.
Ihoteak prestatzen aritu dira herriko bi ikastetxeak. Elizalde Herri Eskolan eskola bera eta biribilgunea apaindu dituzte, entseguak egin dituzte karroxarako, zirikatzaileak herrian ibili dira, emanaldiak egin dituzte... eta zai-zai daude intxixu, basandre eta sorginak noiz jaitsiko. Igandeko karroxa ere pronto dute. Jone Muñoz eskolako guraso eta ikasle ohia Oiartzun Irratian izan dugu guztiaren berri ematen.
Heldu dila, heldu dila! Gaur jaitsiko dira Intxixu, Basandre eta Sorginak herria hartzera. Ihote festan murgilduko gara gaurtik igandea bitarte, eta izango dugu zertaz gozatua herrian. Egitaraua errepasatu dugu Izar Aizpuru eta Larraitz Etxebeste ihote taldeko kideekin.
"Lur eta Amets" pelikula zinema aretoetan da dagoeneko; Euskal Herriko historia oinarri hartuta egin dute luzemetraia eta Aitor Etxebeste oiartzuarra izan da zuzendari artistikoa. Telefonoz hitz egin dugu berarekin.
